أنهى مرتضى منصور، رئيس فريق الزمالك المصري، الجدل المُثار منذ فترة عن توتر علاقته مع المدرب الفرنسي، باتريس كارتيرون، المدير الفني لفريق كرة القدم، بتأكيد بقاء الأخير في منصبه خلال الفترة المقبلة.

وقال مرتضى منصور خلال تصريحات له في فيديو نشره على قناته الرسمية في موقع "يوتيوب" بحضور كارتيرون في أول ظهور لرئيس الزمالك مع لاعبيه: "فاكر لما بعتلي رسالة بالغلط وقولت أنا معرفش تليفون رئيس النادي؟ أنت فاكرني تلميذ؟ أنا ليا طلب عندك، حازم فتوح وكيلك ده انتمائه للأهلي مع احترامنا للأهلي، خلي علاقتنا بيك مباشرة، أنا سمعت الرسالة الصوتية اللي أنت بعتهاله لما قولتله أنت فاشل".

وتابع رئيس الزمالك: "نسيت اللي فات مع كارتيرون، ومحدش هيجبرني أمشي حد وكارتيرون قاعد هنا عشان هو مدرب ناجح والكيميا بينه وبين اللاعيبه ماشية، والفلوس مش كل حاجة"، وأكمل مرتضى منصور قائلاً: "كارتيرون بقاله 5 سنين في مصر وعرف طباع المصريين وعرف إننا بنحب العشرة".

وتحدث مرتضى مع لاعبيه: قائلاً: "الحمد لله إحنا الأول في الدوري، إنتوا ركبتوا خلاص، انسوا أي فريق منافس وركزوا بس في الماتشات الجاية".

والاجتماع هو الأول لمرتضى منصور مع باتريس كارتيرون، منذ قرار رفع تجميد مجلس الإدارة الحالي من جانب وزارة الشباب والرياضة، بعدما ضربت الخلافات بين مرتضى وكارتيرون، وأدت إلى رحيل الأخير من منصبه في عام 2020، لتدريب التعاون السعودي قبل أن يعود في شهر أيار/مايو الماضي لقيادة الزمالك عبر اللجنة المؤقتة السابقة.